Sabi mo sabay tayong tatalon, sabay tayong magpapahulog sa bangin ng pag-ibig. Sabay tayong magpapalunod sa agos ng damdamin. Pero bakit ako lang? Wala ka sa tabi ko nang tumalon ako. Tumingin ako sa taas, kung saan nagsimula ang lahat. Naroon ka, nakatingin sa akin. Akala ko susunod ka na, pero bigla ka na lang tumalikod at naglakad papalayo.
Pilit kong sumigaw upang tawagin ka at magmakaawang bumalik, pero ni katiting na boses ay walang lumabas. Tanging pagpatak na lang ng luha ang aking nagawa. Isa, dalawa, tatlo. Walang tigil sa pagpatak.
Sabi mo, sabay tayong tatalon, sabay tayong magpapahulog, sabay magpapakalunod pero heto ako, nag-iisa, umasa't iniwan.
No comments:
Post a Comment