Ikasampu

Anim na buwan nang makilala ka

Di alam kung kailan nag-umpisa

Nagsimula lang sa mga biruan

Di inakalang aabot sa totohanan

Dati, laging tawanan ang maririnig

Sa tuwing tinutukso tayo sa isa't-isa

Kaya lang, umabot ako sa punto na

Di na mawari ang biro at hindi

Isang gabi bigla ka na lang nakausap

Hindi namalayan na umabot magdamag

Gabi-gabi ikaw na lagi ang katuwang

Hanggang mag-umaga'y ikaw pa rin ang hanap

Sa bawat pinakita mong kilos

Unti-unti na palang naaapektuhan

Hindi na rin mapigilan ang kilig

Sadyang kinikimkim lang ang damdamin

Alam kong makasalanan akong tao

Maling maramdaman ang ganitong saya

Kaya pinilit na lang umalis at lumayo

Ngunit di nakayanan, babalik at babalik pa rin

Lahat ng daan ay patungo sa'yo

Hinding-hindi maliligaw hangga't ikaw ang kasama

Hindi pa rin ako makapaniwala hanggang ngayon

Posible pala na ang panaginip ay maging isang realidad

Habang naglalakad sa mahabang daan

Tanging paborito ay hawakan ang iyong kamay

Ika'y hindi ko na kayang mawala

Kaya aking kapit hihigpitan na

Dati'y pangarap ko lang

Na maranasan ang iyong hagkan at halik

Ngayon ay ito na ay isa sa aking mga paborito

Sinta, ako'y patuloy pang nahuhulog sayo

Nang tinanong mo ako noong gabing iyon

Kung maaari ka bang maging aking manunuyo

Walang mapagsidlan ang galak na nadarama

Tinago ko ito, pilit hindi ipahalata sayo

Pakiramdam pa ri'y nabubuhay sa isang panaginip

Di inaasahang magkakaroon nga ng "ikaw" at "ako"

Dahil sa ikasampung taludtod na ito

Nais ipaalam na ibinibigay ko na ang aking "oo"