Hiling

Ang gaan sa pakiramdam tuwing ikaw ay yakap

Kay lambot mo sa palad tuwing hahaplusin

Gusto kang hawakan nang punong ingat

Nais iparamdam kung gaano kita pinahahalagahan

Madalas malambing, minsa'y nagsusungit

Ikaw ay maamo pero may pagkakataong mailap

At kapag naman ay ika'y natutulog

O kay payapang pagmasdan

Sa tuwing ikaw ay kinukulit

Hindi mapigilang manggigil

Talagang mahal kita, sobra

Pasensya na kung ako ma'y nakakasakit na

Kung sakaling aalis ka man

Tanging hiling na lagi kang bumalik

Hindi ko kayang tulayang mawalay ka sa'kin

Kulang ang tahanan kung ikaw ay di uuwi