Inakala

Ang hirap pala

Kasalanang maging masaya

Bakit ba kasi bawal

Pakinggan ang pintig ng puso

Sa bawat ikot ng alak

At sa tanong na binabato

Para akong nasusunog

Napapaso sa sariling liwanag

Katotohanang tatanggapin

Na hanggang panaginip na lang

Ngayo'y naguguluhan

Nais lumisan, gustong mawala

Lumayo, siguro'y ang sagot

Dahil tama nga naman

Hindi pwede, hindi tayo pwede

Bakit pa ba ipipilit

Kung walang handang sumugal

Sa mga salitang narinig mula sayo

Inakala ko lang pala

Na kahit papaano may pag-asa

Buong gabing nag-isip

Dala ang bigat kinaumagahan

Pilit na mga ngiti

Puno ng lungkot ang mga mata

Nanghihina, walang gana

Dahil kahit anong tago

Masakit, naninikip

Hiling na kung pwede lang

Kahit ngayong araw lang

Sana puso'y magmanhid