Hindi mapigilan bugso ng damdamin
Mga puso'y ayaw magpaawat sa pag-alab
Nakakapaso, nakakaadik ganitong pakiramdam
Sa iisipin ng iba, wala ng pakiaalam
Sa tuwing kasama ka
Hinihiling na segundo'y maging minuto
Oras sana'y bumagal ang takbo
Giliw, ngayong gabi pakiusap wag nang matapos
Wari mo'y aking titig nakakalunod
Labi mo nama'y labis na nakakatunaw
Haplos na nagbibigay init
Nagsusumigaw, dama ang pagkauhaw
Ano kayang pakiramdam
Labi'y lumapat sa'king leeg
Kamay babaybay sa manipis na bewang
At yayapusin na parang walang bukas
Patawarin mo rin sana
Sa mga pabaon kong kalmot
Hindi mapigilan ang sarili
Dulot ng saya at pananabik
T'wing titingin sa iyong mga mata
Nababasa ko ang sinasamo nito
Kaya mas lalong nakakaakit
Bawat galaw, kakaibang sensasyong madarama
Hangad kong kumapit sa iyong buhok
Sa tuwing labi'y magkalapat
Gustong iparamdam na iyo lang ako
At sinta, akin lang sana 'yang mga labi mo
Nais munang dahan-dahanin
Bawat ugali aalamin
Bawat haplos kakabisaduhin
Bawat halik lalasapin
Pero alam mo ba anong aking paborito
Iyong banayad mong halik
Dahil nang gabing iyon naramdaman
Na ikaw ang isang sigurado sa isang-libong duda
