Hindi ko masabi
Hindi ko mabigkas
Ang mga salitang
Sa atin ay nagbigay kulay
Hindi ko alam kung kailan
Nagsimula ang pangangamba
Sa sarili ay naguguluhan
Bakit? Bakit di ko madama?
Sa tuwing nais sabihin
Tila puso'y nagpipigil
Dahil alam sa sarili
Na may kung anong bigat pa rin
Mahal din kita, mahal kita
Munting salita'y, bakit di masabi
Puso'y naguguluhan
Mahal kita, ngunit bakit tila nag-iba?
Ikaw pa rin naman ang aking nais
Sa piling mo'y alam kong sayo ako sasaya ng labis
Ikaw at ako, pangakong di mababali
Dahil sa simula hanggang wakas ay ikaw pa rin
Ngunit mahal, ang aking pakiusap
Nawa'y tulungan mo ako na makaangat
Iahon sa dagat ng pangangamba't kalungkutan
Dahil hindi ko kaya ng mag-isa
Hindi ko kakayanin mag-isa...
